تجي نصغر
نعيد ايام طفولتنا
تجي ندور برائتنا
تجي نرسم على الجدران
اماني مالها اوطان
وبقايا ناس
صفت بقلوبها النيه

تجي نصغر
ولا همٍ بنا يكبر
تجي نسرق من الواقع
بقايا حلم ونسافر
تجي نهاجر
لديره ما بها حساد
ولا سيرة حزن تنعاد

تجي نصغر
تجي نخلي الامل اكبر
على ان الوقت مايصدق

تجي نصغر
تجي نجمع بقايا حلم
تبعثر وانتهى عمره
تجي نحيه لو مره
تجي نبني وطن حالم
سماه افراح
وارضه مكتسيها حب
بليا جراح
تجي نغير ملامحنا
عشان الهم لا قرب
ما يعرفنا

تجي نصغر
تجي نعزف غناوينا
على لحن الوفا والطيب
على نوتة امانينا
على صوت الرجا فينا

تجي نصغر
ولابه من يحاسبنا
تجي نحفر خطاوينا
على دروب الزمن ذكرى
تونس وحشة الايام
ليا عز اللقا وصارت
حكاوينا مجرد وهم

تجي نصغر
تجي نجمع شتات العمر
ونطوي كل مسافاته
الين جروحنا تبرا
وهم قلوبنا يصغر

تجي نصغر

راق لي فنقلته لكم